Accidente pisa na Santa Cruz: Auto a bolter drenta mondi tres hende herida

2.5K

Dialuna den careda di 3:30 marduga riba caminda principal di Santa Cruz net poco pabou di Napa habitantenan a scucha un desordo fuerte y ora a sali wak kico por a pasa a tuma nota di un auto hinca den mondi.
Esaki a sosode den presencia di un testigo tambe coriendo di Hooiberg direccion Santa Cruz a mira e auto riba velocidad pa despues wak con esaki a drenta mondi violentamente.

E personanan a bay di biaha direccion di e mondi y bati alarma na autoridad informando loke a sosode. Patruyanan di biaha ta presenta y a cera e caminda y den e mondi a topa cu 3 hende cu ta den e auto 2 hende muhe malamente pega y herida y un hende homber a logra di sali.

Ta trata di auto di huur di un hende, toyota yaris blanco. E auto a keda completamente destrui y gebolter den e mondi.

Brandweernan a presenta y a cuminsa na corta e auto pa saca e dos dama herida pega.
E homber cu a logra sali a keda atendi di biaha pa paramedico.

Polis di trafico y departamento tecnico tambe a presenta ne sitio pa haci nan investigacion.

Despues di un trabou grandi di corte auto a sake damanan herida, paramediconan a stabilisanan ne sitio y a keda transporta pa hospital.