Accidente pisa na Hooiberg tres persona herida ta grave

Diaranson anochi rib’e caminda principal di Hooiberg pa Santa Cruz ta sosode un accidente serio unda chauffeur di un mitsubishi lancer a yega lora dilanti di un hyundai accent bahando fo’i pariba. E impacto tabata basta fuerte maske cu e chauffeur di e accent a brake pa evita e desgracia pero tabata invano. Polisnan di biaha ta presenta n’e sitio y cera e caminda completo pa ningun trafico yega cerca.

Varios automobilista cu tabata rib’e caminda a baha duna un man y bati alarma na autoridad. Tur unidad di ambulance y dos unidad di brandweer a presenta di biaha n’e sitio y rapid responder. Den e hyundai accent tabatin dos hende homber y den e mitsubishi lancer un otro hende homber y tur hende envolvi tabata grave herida.

Personal di brandweer a duna un man pa saca e chauffeur di mas grave cu tabata den e lancer cu a bin hay’e den banda den e lancer drumi, a corta porta di auto pa saca e persona.
Paramedico a stabilisa tur hende di biaha maske tabata grave y a keda transporta cu urgencia pa hospital.

Polis di trafico a haci nan investigacion y a papia cu testigo y a busca camaranan den bisindario p’e investigacion.