Accidente pa falta di no duna preferencia y auto a kenter den banda

Dialuna atardi n’e crusada di Middenweg y Waterweg ta sosode un accidente pa falta di no duna preferencia. Debi cu un nissan sentra a dal den banda patras di un daihatsu terrios a pone cu e auto a bay bolter keda den banda.

A mobilisa polis, ambulance y brandweer di biaha, ya cu a keda informa cu tin hende pega aden. Pero na yegada di Polis e persona a logra di sali foi e vehiculo. Ambulance a presenta pa brinda asistencia medico n’e persona levemente herida. Na final takelwagen a presenta pa pone e auto bek riba su 4 wiel.