Accidente na Paradera dos auto a keda basta kibra y tres hende herida

Diasabra pasa di 11’or anochi riba caminda di Paradera direccion Seroe Patrishi ta sosode un accidente cu impacto fuerte cu a laga tres hende herida, di biaha a despacha ambulance y polis ne sitio.

Na yegada di Polisnan a topa cu un honda cu basta sla patras y un dongfen cu sla dilanti ambos auto basta kibra. Ne sitio oficialnan y e prome unidad di ambulance a constata di tin tres hende herida y mester di dos ambulance mas pe sitio pa paramediconan atende cu tur hende presenta y bay cu nan pa hospital.

Polis di trafico presenta a compronde cu e honda a subi caminda net momento cu e dongfen blanco ta bahando di pariba y e chauffeur no por a haci mucho mas y a dal basta duro tras di e honda.

Na final takelwagen a keda encarga pa hiba e autonan kibra pa nan destino.