Accidente fuerte na Shaba cu tres persona herida

Diadomingo algo pasa di 3’or marduga autoridad ta keda informa cu riba caminda di Tanki Flip pa Shaba tin un accidente serio a tuma luga y tin basta daño material, di biaha a dirigi patruyanan pe sitio.

Na yegada di e paturya ta di Noord ta topa cu un corolla y un lincoln basta destrui. Den e lincoln tabatin dos hende herida y den e corolla un hende homber. A pidi ambulancenan y brandweer pa presenta, bomberonan a duna un man pa cu e victimanan pa paramedico por hayanan lo mas pronto.

Polis tabatin e caminda cera pa polis di trafico haci nan investigacion. Na final takelwagen a kita e autonan destrui foi caminda.