Accidente fatal riba WVB Ponton pa Bushiri auto a bolter

Diadomingo atardi riba WVB di caminda di Ponton pa Bushiri ta sosode un accidente pisa unda chauffeur di un chevrolet spark a perde control dal duro den e blokinan cu tin memei caminda y ranca un pal’i luz y bolter.

E inpacto a saca e homber fo’i auto,  personanan cu a mira e accidente a bati alarma di biaha na polis. Patruyanan ta yega di biaha y cera e caminda ambos banda, polis ta topa cu un homber benta abou no ta duna señal di bida y a pidi ambulance presenta. Paramedico a yega y mira cu e situacion tabata grave y a pone mashine n’e curpa pa wak si ta haya pulso pero tabata invano. Tur ta indica cu e impacto fuerte a haci cu e homber a fayece n’e sitio mes.