Aanghangwagen a los y dal basta duro den otro auto na Westpunt

Diaranson atardi riba caminda di Westpunt a keda registra un accidente basta fuerte unda un aanghangwagen a los di un vehiculo y consecuencia esaki a dal basta duro contra di un hyundai getz. E parti unda ta haak e aanghangwagen a drenta den e auto y por poco a dal e chauffeur y a scapa milagrosamente.

Polisnan di biaha a presenta n’e sitio y a mira e situacion di atencion y a pidi ambulance presenta pa controla e chauffeur, maske cu e impacto tabata fuerte e chauffeur a sali ileso foi su auto.

Paramedico a brinda asistencia medico y a bay cu e homber pa hospital pa atencion medico avansa. E auto mes a keda completamente destrui parti dilanti.