A mira drone bay halto yegando KIA, Polisnan a rondona auto sospechoso

Diadomingo anochi personalnan atento di KIA na Santo Patia y e camara room a capta movecion di hende yegando e cura banda pazuid y drone a bay halto. A notifica polis di biaha, patruyanan a mobilisa di biaha p’e sitio. Personal di KIA a sigui e persona via camara con el a bandona e sitio via zuid. Polisnan a topa cu un honda fit saliendo di zuid direccion anker y a blokia e vehiculo di biaha cu varios persona aden.

A listra tur hende den e auto y ponenan pafo pero no a haya nada di arma pero a topa cu un tas. Personal di KIA a presenta pa combersa cu polisnan, y asina a hala atencion bon cla di e personanan pa no yega mes cerca di cura di KIA debi por tin consecuencianan.