Gobierno di Aruba ta reconoce y gradici e esfuerso extraordinario di tur partner den e cadena turistico durante e reciente dianan cu hopi cancelacion di vuelo.
Minister-President mr. Mike Eman y Minister di Turismo mr. Wendrick Cicilia ta expresa nan profundo gradecimento na personanan cu ta traha den sector di acomodacion cu mester a atende cu miles di turista desapunta cu nan no por a biaha pa cas bek y mester a buska acomodacion extra. Aruba su servicio por a resalta cu un atitud di flexibilidad, profesionalismo, cooperacion y compromise pa atende huespednan afecta.
Personal di front desk, housekeeping, seguridad, transporte y servicio a traha incansablemente pa duna informacion, asistencia y un experiencia digno, manteniendo hospitalidad di Aruba na nivel halto den circunstancianan desafiante.
E colaboracion estrecho entre aeropuerto, aerolineanan, hotelnan y comercio local a contribui na mantene orden, siguridad y continuidad di servicio durante e periodo ocupa aki.
E Gobierno di Aruba ta gradici e pasenshi y dedicacion di tur hende involvi, y ta reitera cu e trahadonan di turismo y servicio ta e pilar di nos economia y e bon nomber di Aruba den mundo.
Follow the story