Connect with us
MVP Ad

7 ESTABLESIMENTU KONTROLÁ I 2 A KEDA SERA

Local

7 ESTABLESIMENTU KONTROLÁ I 2 A KEDA SERA

7 ESTABLESIMENTU KONTROLÁ I 2 A KEDA SERA

7 ESTABLESIMENTU KONTROLÁ I 2 A KEDA SERA – WILLEMSTAD.- Funshonarionan di MEO huntu ku Kuerpo Polisial di Kòrsou a tene kontrol riba algun establesimentu ku ta keda den área pariba djabièrnè den oranan lat di anochi i mardugá.

E kontrolnan aki tabata dirigí pa wak si e establesimentunan ta funshonando kumpliendo ku lei i tambe komponiendo ku nan pèrmit di negoshi.

E promé establesimentu ku a risibí bishita tabata den Kaya Seru Machu.

A sera e establesimentu aki debí ku lugá a wòrdu sera debí ku a konstatá ku nan no tabata pone preis riba produktonan ku ta keda bende. Tabata yena bòternan di wiski chikitu i tambe nan tabata dispone di un mashin di plaka den e establesimentu.

Despues a sigui pa  Montaña di Rey kaminda a duna e propietario un atvertensia debí ku e tabatin un área pa sinta wak televishon i rekreá pafó siendo esei no ta den su pèrmit.

 

Na Katunastraat a hala atenshon di un propietario debí ku algun produkto tabata falta preis riba dje i tambe e no tabatin su pèrmitnan den e negoshi na e momentu ei.

Na Triangelweg tambe un propietario a risibí atvertensia debí ku tabata falta preis riba algun produkto, nan tabata yena bòter di wiski pa kliente i tambe nan no tabata dispone di pèrmit pa bende bebida alkohóliko fuerte.

Den área di Cocori tambe a parti atvertensia pa doño di establesimentu ku no ta pone preis riba su produktonan.

Durante di kontrol a bin topa ku dos klòp di polis (Batonstick) i tambe dos bui di man kual ningun persona no por a duna kuenta i rason pa esakinan mirando ku ta rekerí un pèrmit pa por tin esakinan.

Den Kaya Puresa a sera otro establesimentu debí ku e doño ta drai e lugá riba pèrmit di un otro doño na mesun sitio pero riba un otro nòmber.

Tambe nan no tabata kumpli ku e parti di indikashon di preis ni tampoko pèrmit pa bende bebida alkohóliko fuerte.

E kontrolnan aki sigur lo kontinua.

Continue Reading
Advertisement
You may also like...

More in Local

MVP Ad
To Top
Close
error: Content is protected !!