Connect with us
MVP Ad

21 PARTISIPANTE KLA PA UN KANTO PA KÒRSOU

Photo: www.eso-cur.com

Local

21 PARTISIPANTE KLA PA UN KANTO PA KÒRSOU

21 PARTISIPANTE KLA PA UN KANTO PA KÒRSOU

21 PARTISIPANTE KLA PA UN KANTO PA KÒRSOU –  WILLEMSTAD.- Tur kos ta kla pa e festival Un Kanto pa Kòrsou dia 8 di yüni próksimo. Ya otro siman ta kuminsá ku e ensayonan.

Músika ta un elemento masha importante den nos bida diario ku por influensiá un komportashon positivo di kada siudadano.

Ta bon pa menshoná tambe ku e komishon tur aña di nobo ta stimulá kompositornan i intérpretenan hóben pa nan tambe partisipá i midi nan forsa ku esnan mas eksperensiá. Pa un festival di kompetensia por sigui krese, ta bon pa tantu  e kompositornan eksperensiá i  e kompositornan hóben  inskribí pa por kompetí.

Pues  e Festival aki ta habri e posibilidat pa tur kompositor  ku tin un kreashon na nivel por inskribí i partisipá. Semper bai  ta bon pa e kompositornan logra konvensé un intérprete ku por trese e komposishon manera e ta deseá dilanti.

Ta bon pa menshoná aki ku ta kompositor, kantante ta aserká nan areglista.

E areglo ta hopi importante den e totalidat i ta bon konosí ta kua ta e areglistanan den nos komunidat ku ta apto pa hasi e trabou aki na e nivel adekuá.

Espesialmente esnan ku ta bai partisipá pa promé biaha komo intérprete kompositor, ta nesesario  pa entregá nan dèmo ku grabashon dje piesa kantá pa e intérprete i kompañá pa un instrumènt di kuèrdè, na momentu di inskripshon. Si nan no kumpli ku esaki, nan no  ta bin na remarke pa partisipá.

Nos pais ku for di aña 2010 a haña un Status Outónomo den Reino, ta bon sirbí ku tur formanan di ekspreshon ku por kontribuí na elevá e bida Kultural.

E meta prinsipal di Festival Un Kanto pa Kòrsou ta pa ekspresá pa medio di e

Obranan Musikal nobo, e Grandesa di nos pueblo. Den kuadro di e pensamentu aki ta bon pa  banda di e echo ku nos ta poseé nos rikesa natural, nos tin tambe talentonan grandi riba tereno kultural i deportivo, di kual diferente di nan a krusa frontera i alkansá nivel internashonal hopi haltu.

Ta pa e motibu ei na momento ku nos ta promové nos pais Internashonalmente, nos ta disponé di e balornan humano ku por demostrá e grandesa di nos pais.

Ensayonan ta kuminsá 28 di mei i ta dura te dia 7 di yüni ora tin e ripitishon general.

E partisipantenan lo keda repartí den 3 grupo: A, B i C. I ensayonan lo tuma lugá konforme e skema di ensayo.

Tur ensayo lo tuma lugá na Curaçao Festival Center, ku eksepshon di e ensayo general, na e orario ku keda stipulá. Ta bon pa menshoná aki ku komishon organisadó lo apuntá un kordinadó di ensayo.  Tarea di e kordinadó aki ta pa duna tur e partisipantenan e mes un oportunidat di ensayo, konforme e siguiente stipulashon. Kada komposishon ta haña 3 oportunidat pa ensayo regular ( 2x 30 i 1x 15 minüt) i  1 biaha  10 minüt den ensayo general.

Lo trata na agrupá tur partisipantenan di mesun areglista den mesun espasio di tempu, konforme e sekuensia di e areglista.

PARTISIPANTENAN DI  UN KANTO PA KORSOU 2019

NR TITULO DI KANSION KANTANTE KOMPOSITOR AREGLISTA GR RITMO  
1 Arkoiris Michael Boncoeur Jr. Enrico Henriquez Enrico Henriquez B Wals
2 Ta fásil traha un melodia p’abo Michealangelo Martina Gregory Colina Gregory Colina C Balada Tumba
3 Un Kanto na mi Isla Kòrsou Jesushen Bokshoven Gregory Colina Gregroy Colina C Tumba
4 Sinta skuchabu Kòrsou Yesenia Corasol Gregory Colina Gregory Colina C Balada Tambú
5 Kòrsou saka bo bos i pinta nos Gilion Henrietta Gregory Colina Gregory Colina C Balada Seú
6 Ken ta yu’i Kòrsou Edson Nahr Darwin Gregg Gregory Colina C Danza
7 Mi Bandera stimá Shurella Jamanica Ruth Samson Gedion Chandler A Wals
8 Un Nashon Bendishoná Ebony Albertus Ruth Samson Gedion Chandler A Danza
9 Mi kompromiso ku mi pais Nolba Boekhouder Ike Jesurun Albany Castro B Ritmo Varia
10 Mi deseo Dorothy Eleonora Ike Jesurun Albany Castro B Afro Karibense
11 Mente Positivo Ike Jesurun Ike Jesurun Ike Jesurun A Tumba
12 Kòrsou mester di nos obreronan Tyeisha Bernabela Reginon Dorothea R.Antoin/A. Dopwel A Seu
13 Semper pa dilanti Ramphis Ignacia Clark Elisabeth Clark Elisabeth A Danza
14 Kòrsou e kurason di mundu Cristeline Corasol Cristeline Corasol Clark Elisabeth A Danza
15 Abo mi Stima Janae Weert Cheryl Liesje Lispier Clifford Martina B Wals kombiná
16 Siendo un feto ya mi a stimabu Richard Engelhardt Eldrison Elgenio Eugenia Randall Corsen B Wals
17 Un Kapítulo nobo Dinette i Arnulien Aitatus Eldrison Elgenio Eugenia Randall Corsen B Tumba Klásiko
18 Kòrsou ta mi dushi tera Alex Pieternella Dudley Lucia Ike Jesurun/Enrico Henriquez B Salsa
19 Prinsipio desolá, Speransa Aktivá Joël Villarreal Joël Villarreal Quinten  Brunken A Balada Danza
20 Un man pa Kòrsou Zjainery Nicaëla Elia Isenia Gregory Colina C Seu
21 Ban kanta pa Kòrsou Renir Lijfrock Darwin Gregg Gregory Colina C Wals Tumba

Continue Reading
Advertisement
You may also like...

More in Local

MVP Ad
To Top
Close
error: Content is protected !!