Fast Delivery a reconocé e dedicacion di Suanne Balentina, Carla Dirksz Croes, Remy Ruiz y Raphael Andrews “Smolly” pa nan añanan di servicio na e compañía.
Suanne Balentina a cumpli 10 aña di servicio. Carla Dirksz Croes y Remy Ruiz a cumpli 20 aña, mientras Raphael Andrews “Smolly” a cumpli 23 aña di servicio na Fast Delivery.
Segun e compañía, nan compromiso ta reflehá consistencia, disciplina y compromiso cu e misión di e organisacion. Fast Delivery, como un compañía di logística cu ta brinda servicio na sector privá, comercial y internacional, ta reconocé cu éxito sostenibel ta dependé di teamwork, proceso structura y determinacion.
Gerencia a enfatisa cu crecemento di e compañía no lo tabata posibel sin e esfuerso diario di su team. E organisacion a expresa un gradicimento special na empleadonan cu a keda fiel desde cu Fast Delivery a habri su portanan, tanto den tempo bon como den tempo menos bon.
Fast Delivery a reafirmá su compromiso pa sigui ofrece servicio di calidad y fortalecé su posicion como un socio confiabel den logística na Aruba, Boneiro y Corsou.
Propietario Richard “Gigi” Helder y e management di Fast Delivery a gradici tur empleado, cliente y partner pa nan confianza, dedicacion y apoyo. Despues di e parti oficial, e empleadonan a participa den un brindis pa celebrá hunto cu nan coleganan cu a cumpli nan aniversario.
Source link
